என் மனைவி எனக்கெழுதிய கவிதை - 02

நான் பேசுகிறேன்
நீ பேசுகிறாய்
நான் பேசுகிறேன்
நீ வேலை செய்கிறாய்
நான் பேசுகிறேன்
நீ கேட்கிறாய்
நான் பேசுகிறேன்
நீ கேட்க மறுக்கிறாய்

நான் மௌனமாயிருக்கிறேன்
நீ பேசத்தொடங்கினாய்
நான் மௌனமாயிருக்கிறேன் 
நீ பேசுகிறாய்
நான் மௌனமாயிருக்கிறேன்
நீ கேள்வி கேட்கிறாய்
நான் மௌனமாயிருக்கிறேன்
நீ பேச சொல்கிறாய்

நான் என்ன செய்ய?
என் பேச்சால் கொல்லவா?
இல்லை மௌனத்தால் கொல்லவா?

என் மனைவி எனக்கெழுதிய கவிதை - 01

 
கண் திறக்க மறுத்தது என் காலை விடியலில்
        நீயிருந்தாய் என் கண்ணின் கருவிழியில்

நீர்த்துளிகள் நீங்க மறுத்தது நான் குளிக்கையில்
        உன் வியர்வை மிச்சமிருந்தது என்னுடலில்

உன்னாடையில் உயிரிருந்தது நான் மடிக்கையில்
        அதனால் நழுவியது என்னை கட்டிக்கொள்ளும் ஆசையில்

கை வலித்தது உணவு கிண்டும் வேளையில்
        சகித்துக்கொண்டேன் அது உனக்காக என்று கருதுகையில்

தினம் கடவுளுக்காக கொளுத்தினேன் ஒளிரும் தீபத்தை
        என் மனதில் கடவுளாக வைத்திருக்கிறேன் உன் ரூபத்தை

முறைக்கத் தொடங்கினேன் அந்த வாசல்கதவை நோக்கி
        தவிக்கிறேன் ஏங்குகிறேன் ஒவ்வொரு நொடியும் உன் வரவை  நோக்கி

சிரிக்கிறேன் விளையாடுகிறேன் கோபிக்கிறேன் உன்னுடனிருக்கையில்
        என்னை குழந்தையாக பாவிக்கிறாய் நான் காட்டும் பாவங்களில்

கண் மூட மறுத்தது என் இரவு வேளையில்
        நீயிருந்தாய் என் கண்ணின் முன்னில்

நான் சொன்னதை சில நிமிடங்களில் வரிகளாய் படித்தாய்
        தினமும் ஒவ்வொரு நொடிப்பொழுதும் நீ நினைவுகளாய் இருந்தாய்

கண்ணெல்லாம் கலங்குது!!

நேத்து தபால்பெட்டிய தொறந்தா இந்த மெயில் வந்திருந்தது. 

 Made Popular : பாட்டில் குடிநீர் : அழிவும் அறியாமையும்‏

Hi santhoshthe1,

Congrats!
 

Your story titled 'பாட்டில் குடிநீர் : அழிவும் அறியாமையும்' made popular by 

tamilish users at tamilish.com and the story promoted to the home page on 

7th April 2010 02:28:02 AM GMT

Here is the link to the story: http://www.tamilish.com/story/220012
 
Thank you for using Tamilish.com
 
Regards,
 
-Tamilish Team

 
நிஜமாவே நமக்குதானான்னு டவுட்டாயிருச்சி.. பின்னே உண்மைதான்னு தெரிஞ்சப்போ கண்ணு லைட்டா கலங்கிடுச்சி..ஒரே ஒரு பதிவுக்கே இந்த மதிப்பான்னு ஒரு சந்தோசம்.. இனிமே எழுதி(கிழிஞ்சது!) த்ள்ளரதுன்னு முடிவு பண்ணிட்டேன்.. அதேசமயம் நல்ல வித்தியாசமான பதிவுகளா எழுதணும்ன்னு ஆசையா இருக்கு.. வோட்டு குத்துன எல்லாருக்கும் நன்றி.. தொடர்ந்து ஆதரவளியுங்கள்....


நன்றி..

பாட்டில் குடிநீர் : அழிவும் அறியாமையும்

"நம்முடைய முதன்மையான எதிரி குழாய் தண்ணீர்தான்"

                                                 -ராபர்ட் எஸ்.மோரிசன் (PepsiCo)

சில நாட்களுக்கு முன்பு Annie  Leonard என்ற அமெரிக்க சுற்றுசூழல் ஆர்வலர் எடுத்த "The Story of Bottled Water" என்கிற குறும் படத்தை யு ட்யுபில் பார்த்தேன். நாம் அன்றாடம் வாங்கிக் குடிக்கும் பாட்டில் தண்ணீரை தயாரிக்கும் பெப்சி , கோககோலா போன்ற நிறுவனங்களின் வியாபார முகத்திரையை அதில்  கிழி கிழியென்று கிழித்து தொங்க விட்டுருந்தார்.  கவர்ச்சியான விளம்பரங்களாலும் கண்கவர் பாட்டில் வடிவங்களாலும், மக்களின் மனதில் இந்நிறுவனங்களின் தண்ணீர்தான் உலகத்திலேயே சுத்தமானது என்று பதித்தாலும், அவை குழாய் தண்ணீர்தானே தவிர வேறொன்றுமில்லை என்பது நிதர்சனம்.

ஹாய் !!!

புதுசா  ப்ளாக் எழுத வந்துருக்கேன்(இம்சை!) ... பெங்களூரில் 3D அனிமேஷன் துறையில் வேலை செய்கிறேன்.... என் தீராகாதலியான சினிமா சார்ந்த விஷயங்களைப்  பத்தி எழுதவிருக்கிறேன் . .என் துறை சார்ந்த விஷயங்களையும் பற்றியும் எழுதவிருக்கிறேன்...  உங்களுடைய எதிர்வினைகளையும் எண்ணங்களையும் விவாதிக்கும் ஒரு விவாத மேடையாக இந்த ப்ளாக்ஐ மாற்ற விரும்புகிறேன்....  மொத்தத்தில் ஒரு காக்டெயில் அடிப்போம்..


நீங்களும் நானும்!!!....


கேட்ச்  :   சைட்ல நம்ப எடுத்த போட்டோ ஓடவிட்டுருக்கேன்... பாத்து செய் தல!!